ปาทจฺฉินฺโนติ สญฺญา อตฺถีติ ฯ นตฺถิ ภนฺเตติ ฯ ตํ การณํ มหาราช ชานาหิ อิมสฺมึ
สญฺญากฺขนฺโธ น ปรโลกํ คจฺฉตีติ ภิยฺโย อุปมํ กโรหีติ ฯ อตฺถิ เต มหาราาช อาทาสสฺส
มณฺฑโล นามาติ ฯ อาม ภนฺเต อตฺถีติ ฯ ตฺวํ มหาราช อาทาสมณฺฑลํ คเหตฺวา
ปุรโต ฐเปหีติ ฯ ฐโต ภนฺเตติ ฯ อิมสฺมึ มหาราช อาทาสมณฺฑเลตว อกฺขิจ
กญฺณญฺจนาสญฺจ ทนฺตา จ ทิสฺสนฺติ ตฺวํ มหาราช กตวิธนฺติ ฯ อาทาสมณฺฑเล
ภนฺเต นาคเสน อกฺขิ จ กณฺฑณญฺจ นาสญฺจ ทนฺตา จ อมฺหากนฺติ ฯ ตว อกฺขึ
อุปปาเฏตฺวา ตว กณฺณํ อุปฺปาเฏตฺวา ตว นาสํ อุปฺปาเฏตฺวา ตว ทนฺตา อุปฺปาเฏตฺวา
ตฺวํ มหาราช กาโณ ภวสิ ขนฺโธ ภวสีติ ฯ น หิ ภนฺเต นาคเสน ขนฺโธ ภวามิ
มมํ ภนฺเต นาคเสน อุปนิสฺสาย ฉายา อาทาสมณฺฑเล ทิสฺสติ นปิ อกตวิธนฺติ ฯ
เอวเมว โข มหาราช นปิ อิเม ปญฺจกฺขนฺธา ปรโลกํ คจฺฉนฺติ นปิ อกตวิธา วา
ปญฺจกฺขนฺธา อุปฺปชฺชนฺติ อิมํเยว ปญฺจกฺขนฺธํ อุปนิสฺสาย กตกุสลากุสลกมฺเมน
ิอาทาสมณฺฑเล ฉายา วิย สตฺโต มาตุกุจฺฉิยํ ปฏิสนฺธายตีติ ฯ กลฺโลสิ ภนฺเต
นาคเสนาติ ฯ

ปรโลกคตนีลปีตาทิวณฺณคตปญฺโห ฉฏฺโฐ ฯ

ราชา อาห ภนฺเต นาคเสน สตฺโต มาตุกุจฺฉิยํ ปฏิสนฺธายนฺโต กตเมน ทฺวาเรน
คนฺตฺวา ปฏิสนฺธายตีติ ฯ นตฺถิ มหาราช ทฺวารํ เยน ทฺวาเรน สตฺตา มาตุกุจฺฉิยํ
คนฺตฺวา ปฏิสนฺธิยนฺตีติ ฯ อุปมํ กโรหีติ ฯ อตฺถิ เต มหาราช รตนมญฺชุสา
นามาติ ฯ อาม ภนฺเต อตฺถีติ ฯ ตฺวํ มหาราช รตนมญฺชุสาย จินฺเตหีติ ฯ จินฺติตํ
ภนฺเตติ ฯ ตว มหาราช จิตฺตํ รตนมญฺชุเส คจฺฉนฺตํ กตเมน ทฺวาเรน คจฺฉนฺตีติ ฯ
มม จิตฺตํ ภนฺเต นาคเสน ตํ มญฺชุสํ คจฺฉนฺตํ ทฺวารกมฺเมน นตฺถีติ ฯ เ อตํ ถเถว
ภวติ โข มหาราช สตฺโต มาตุกุจฺฉิยํ ปฏิสนฺธิยนฺโต ทฺวารกมฺเมน นตฺถิ ตว รตนมญฺชุสํ
จินฺติตํ จิตฺเตน วิย สตฺตา มาตุกุจฺฉิยํ ปฏิสนฺธิยนฺตีติ ฯ อจฺฉริยํ ภนฺเต นาคเสน
อพฺภูตํ ภนฺเต นาคเสน อติวิจิตฺราติ ปญฺหาปฏิภาคานิ วิสชฺชโกสีติ ฯ กลฺโลสิ ภนฺเต
นาคเสน ยทิ พุทฺโธ ติฏฺเฐยฺย สาธุการํ ปวตฺเตยฺย สาธุ ภนฺเต นาคเสน สาธุ ภนฺเต
นาคเสนาติ ฯ

มาตุกุจฺฉิปฏิสนฺธิปญฺโห สตฺตโม ฯ